ДИК треба да го стави на увид Избирачкиот список

proverete-dali-ve-ima-vo-izbirachkiot-spisok-tuka

Државната изборна комисија (ДИК), според Роковникот за извршување на изборните дејствија за предвремените избори на 5 јуни, денеска во подрачните единици на увид треба да го стави Избирачкиот список.

ДИК, како што информираат од Комисијата, денеска треба да одржи седница на која се очекува да биде усвоен конечен извештај од вкрстените и административната анализа за ажурирање на Избирачкиот список. По ова, како што посочуваат од ДИК, Избирачкиот список треба да биде ставен на увид.

Увидот, според Роковникот, треба да заврши за 15 дена односно на 9 мај.

Денеска исто така ДИК преку МНР треба да ги достави посебните изводи од Избирачкиот список до дипломатско конзуларните претставништва на увид за лицата на привремена работа или престој во странство.

Во рок од пет дена од денот на завршувањето на јавниот увид, Избирачкиот список го доставува до политичките партии. Партиите во рок од пет дена односно до 19 мај до ДИК треба да достават барање за запишување, дополнување или бришење податоци од Избирачкиот списпок. По нивните барања ДИК треба да одлучи во рок од три дена од приемот на барањето.

Избирачкиот список треба да биде заклучен до 19 мај.

Powered by keepvid themefull earn money